Category: Мэдээ

Охид анхны тэмцээнд хэсгээ тэргүүллээ

Монгол улсын сагсан бөмбөгийн шигшээ баг хамгийн сүүлд 2014 оны Азийн наадам оролцож байснаас хойш ОУСБХ (FIBA)-ны тэмцээн уралдаанд оролцоогүй өдийг хүрсэн.

Шалтгаан нь ОУСБХ-ноос хориг тавиулсантай холбоотой. Тэгвэл энэ онд Монголын сагсан бөмбөгийн холбооны удирдлага шинэлэгдэн бүрдсэнээр дээрх хүндрэлтэй байдал арилж, 5×5 төрлөөр олон улсын сагсан бөмбөгт эргэн хөл тавицгааж байна.

Энэ зургаадугаар сард эрэгтэй шигшээ баг FIBA Asia Cup 2025 Pre-Qualifiers шатны D хэсгийн тоглолтуудыг эх орондоо хүлээн авахаар бэлтгэлээ базааж, холбоо зохион байгуулалтаа шийдээд байсан ч 11-р сарыг хүртэл хойшлоод байгаа билээ.

Үүний дараагийн томоохон тэмцээнд манай 18 хүртэлх насны охидын шигшээ баг оролцож, гараагаа амжилттай эхлүүлээд зогсохгүй хэсгийнхээ тэргүүн байраар гарч, хагаш шигшээд шалгараад байгаа юм.

FIBA 2022 Asian Women’s Championship тэмцээн Энэтхэг улсын Бангалор хотод болж байгаа бөгөөд A, B ангилал (division) тус бүрт найман улсын баг өрсөлдөж байна. Манай шигшээ баг B ангилалын B хэсэгт Хонг-Конг, Малайз, Йордан улсуудтай хуваарилагдсан ба гурван хожсоноор хэсгээ тэргүүлсэн юм. Ингэснээр доорх хуваарийн дагуу хагас шигшээд шалгарч 09.10, 11-ний өдрүүдийн тоглолтоо хүлээн, өрсөлдөгчдөө судалж буй бизээ.

Тоглолтууд юу болов?

ХОНГ-КОНГ 37:68 МОНГОЛ

Үр дүн

Баг1234О
ХОНГ-КОНГ11961137
МОНГОЛ1422171568

Шигшээ багийн анхны тоглолт тус тэмцээнд долоо дох удаагаа оролцож буй Хонг-Конгийн багтай тун эхлэн үе тус бүрт өрсөлдөгчөөсөө илүү байснаар хялбархан гэж болохоор ялалт байгуулсан юм. Тус тоглолтод багийн Б.Болор-Эрдэнэ багаа 21 оноогоор багаа тэргүүлсэн бол Н.Нандинхүсэл 10 оноо, 18 самбар, 8 ашигтай дамжуулалтаар багт үзүүлсэн нөлөө +29 байж бүх тоглогчдыг хошуучилсан.

#
9
Нэр
Батцоож БОЛОР-ЭРДЭНЭ
Иргэншил
mngМонгол
Байрлал
Довтлогч
Өндөр
170
Одоогийн баг
МОНГОЛ
Лигүүд
U18 Women's Asian Championship
Улирал
2022
Нас
16
#
10
Нэр
Нямжав НАНДИНХҮСЭЛ
Иргэншил
mngМонгол
Байрлал
Довтлогч
Өндөр
177
Одоогийн баг
МОНГОЛ
Лигүүд
U18 Women's Asian Championship
Улирал
2022
Нас
16

МОНГОЛ 72:57 МАЛАЙЗ

Үр дүн

Баг1234О
МОНГОЛ1415123172
МАЛАЙЗ1513141557

Удаах тоглолт тус тэмцээнд ес дэх удаагаа оролцож буй арвин туршлагатай Малайз улсын багтай эхнээсээ эн тэнцүү өрсөлдөж явсаар тоглолтын төгсгөлд гайхалтай багийн тоглолт, дасгалжуулагчдын зөв төлөвлөгөөний үр дүнд 31:15 авч эцсийн үр дүнд хожсон юм.

Тус тоглолтод Н.Нандинхүсэл 29 оноо, 11 самбар, Б.Болор-Эрдэнэ 17 оноо, Х.Алтанзул 15 самбар, 6 бөмбөг таслалт, 8 оноогоор багаа хошуучилсан.

Онцлууштай нэг зүйл нь тус тоглолтод дасгалжуулагчдын бүрэлдэхүүний 12 тоглогчоос 7 тоглогчийг ашиглахаар мэдүүлсэн байв.

ЙОРДАН 36:48 МОНГОЛ

Үр дүн

Баг1234О
ЙОРДАН41291136
МОНГОЛ91591548

Хэсгийн сүүлийн тоглолтод туршлагын хувьд ойролцоо, тус тэмцээнд хоёр дох удаагаа өрсөлдөж буй Йордан улсын багтай маш сайн багийн тоглолтоор өрсөлдөж үе бүрт онооны багахан давуутай явсаар хожсон юм.

Тус тоглолтод холбогч Н.Намуундарь 12 оноо, 3-аас 4/12, Н.Нандинхүсэл 10 оноо, 6 ашигтай дамжуулалт, А.Хонгорзул 14 самбар, 6 бөмбөг таслалт, 8 оноо авч багт үзүүлсэн нөлөө +21 багаар хошуучилсан.

#
8
Нэр
Алтанзул ХОНГОРЗУЛ
Иргэншил
mngМонгол
Байрлал
Довтлогч
Өндөр
175
Одоогийн баг
МОНГОЛ
Лигүүд
U18 Women's Asian Championship
Улирал
2022
Нас
18

Ийнхүү түүхэндээ анх удаа оролцож буй тэмцээний гараагаа амжилттай эхлүүлээд зогсохгүй ангилалынхаа хагас шигшээд шууд шалгараад байгаа юм.

ШИГШЭЭ БҮРЭЛДЭХҮҮН

ДАСГАЛЖУУЛАГЧДЫН БАГ

Дасгалжуулагч Ганболд УНДРАХ

Иргэншил
mngМонгол
Одоогийн баг
МОНГОЛ
Логарифм сургуулийн багш.

Туслах дасгалжуулагч Буриад АЛТАНЗАЯА

Иргэншил
mngМонгол
Одоогийн баг
МОНГОЛ

Speed Academy багш, дасгалжуулагч.

Туслах дасгалжуулагч Батчулуун ДЭЛЭГ

Иргэншил
mngМонгол
Одоогийн баг
МОНГОЛ

Монгол 3-р сургуулийн багш, дасгалжуулагч.

Шигшээ багийг МСБХ (Монголын сагсан бөмбөгийн холбоо)-ны Монгол улсын шигшээ багийн албаны дарга М.Отгонбаяр, Ерөнхий нарийн бичгийн дарга С.Төгсжаргал нар ахалж яваа.

Олон улсын сагсан бөмбөг эргээд ирлээ

Тун удахгүй эхлэх байсан тэмцээний хуваарьт өөрчлөлт орж, арван нэгдүгээр сард болохоор болсон тухай Монголын сагсан бөмбөгийн холбооны ерөнхий нарийн бичиг С.Төгсжаргал мэдэгдлээ.


Сүүлийн жилүүдэд 3×3 сагсан бөмбөгийн төрөл манай улсад төдийгүй, дэлхий дахинд хурдацтай тэлж, хөгжсөөр байна. Үүний үр дүн Монгол улс мэргэжлийн түвшний олон багтай болж, олон улсын тэмцээнийг эх орондоо зохион байгуулахын зэрэгцээ, зочлон оролцсоор байгаа билээ.

Түүгээр ч зогсохгүй Монгол улс анх удаагаа олимпын наадамд сагсан бөмбөгийн төрлөөр оролцсон гайхамшигтай түүхийг бичиж амжаад байгаа юм.

Тэгвэл урт хугацаанд олон улсын сагсан бөмбөгийн холбооны тэмцээн уралдаанд оролцох эрхгүй болж, хоригт байсан он жилүүд улиран одож, шинэчлэгдэн нэгдсэн холбооныхоо хамтаар тун удахгүй олон улсын тэмцээнд шигшээ багаа сойхоор болсон баяртай мэдээ байна.

Тодруулбал 2025 онд болох Азийн цомын тэмцээний урьдчилсан шатны тоглолтууд азтай ч гэмээр тохиолоор манай эх оронд ирэх сарын эхээр болох гэж байна.

Тоглолтын хуваарь

Одоогоор 14 тоглогчийг нэгдсэн бэлтгэл дуудаад байгаа бол эцсийн бүрэлдэхүүнд 12 тоглогчийг сонгож үлдээх амаргүй шийдвэрийг шигшээ багийн дасгалжуулагч Ч.Ижилболд дасгалжуулагч болон түүний баг гаргана.

Олон жил олон улсын тэмцээний бараа хараагүй, шигшээ багаа үзээгүй хөгжөөн дэмжигчид сэтгэл догдлон хүлээсээр. Ш.Энхийн-Од, Н.Батбаяр, Д.Баясгалан зэрэг олон улсад туршлага хуримтлуулж яваа залуус, Т.Санчир, Б.Билгүүн, Г.Баттөр зэрэг туршлагатай тоглогчид болон монголын лигийн залуу үеийн төлөөллөөс харахад сагсан бөмбөгийн шигшээ багийн ойрын жилүүдийн ирээдүй гэрэлтэй харагдана.

Тэмцээн Мөсөн өргөө цогцолборт болох бөгөөд тасалбарыг онлайнаар худалдаж авах юм байна. ТАСАЛБАР АВАХ

Мичнүүд гайхшруулсаар

Лигийн хамгийн дуулиан шуугиан (сенсаци)-тай баг бол яахын аргагүй АйЭйчСи-гийн МИЧНҮҮД (IHC APES) юм.

Яг долоо хоногийн өмнө тэд талбай дээр ч, талбай хажууд ч хүчтэй, туршлагатай, цуутай байдаг Гарьдуудтай тун үзүүштэй тоглолт толилуулж эцсийн мөчид хожигдсон билээ. Энэхүү хожигдлын дараа мичнүүдийн хөрөнгө оруулагч, эзэн Мөнхжин өөрийн сэтгэгдлээ олон нийтийн сүлжээнд шууд цацсанаар түймэр тавьж орхисоныг бид санаж байгаа.

Янзтай дээд лигийн хамгийн саагуу, хамгийн дураараа, юу ч хийж мэдэх нэгэн тэрээр түймэр тавьсан даруйдаа АНУ-аас монголын сагсан бөмбөг сонирхогчид төдийгүй, монголчууд тэр аяараа дээлийн захыг нь мушгин суугаа, ахлах сургуулийн шилдэг 100 төгсөгч (сагсан бөмбөгч)-ийн нэг Ш. Энхийн-Одыг авчраад, талбай дээр гаргаад ирэх нь тэр. Майк ч (Ш. Энхийн-Одын америк нэр Mike Sharavjamts) ирсэн даруйдаа өндөр бэлтгэлжилттэй, тулаанд бэлэн буйгаа харуулаад эхэлсэн. Өнөөдрийн байдлаар лигт хоёр тоглолтод оролцоод лигийг дундаж оновчтой дамжуулалт болон бөмбөг таслалтаар тэргүүлээд эхэлсэн.

ДЭЭД ЛИГ

УлиралБагМинОДТХДОДТДШ%3ШО3ШТ3Ш%ЧШОЧШТЧШ%ДСХСБАХАТГГТСДДДТДХДОДБАДНөлөө
2021МИЧНҮҮД0:00421391153444.11851827.77871070.000414106444.53.32.30.310.52.551
Нийт-0:00421391153444.11851827.77871070.000414106444.53.32.30.310.52.551

Бүгд

УлиралМинОДТХДОДТДШ%3ШО3ШТ3Ш%ЧШОЧШТЧШ%ДСХСБАХАТГГТСДДДТДХДОДБАДНөлөө
20210:00421391153444.11851827.77871070.000414106444.53.32.30.310.52.551
Нийт0:00421391153444.11851827.77871070.000414106444.53.32.30.310.52.551

Мөнхжингийн гэнэтийн мэдэгдэл үүгээр дуусаагүй ээ. Цагтаа Майами Хитийн их гурвалтай НБА-д аваргалж явсан Марио Чалмерсыг аваад ирвэл яах юм бэ? гэж бидний сэтгэлийг гижигдээд авсан бурхан минь.

Харин өчигдөр тэд монголын сагсан бөмбөгийн төдийгүй мэргэжлийн дээд лигүүдийн түүхэнд нэгэн тод мөрийг бичиж үлдээлээ. Тэд багийнхаа ерөнхий дасгалжуулагч бөгөөд Монгол улсын шигшээ, Монголын дээд лигүүд (холбоодын маргааны улмаас янз бүр болж байсан тул лигүүд гэж онцлов.)-эд тасралтгүй 20 гаран жил хөлс хүчээ зориулсан Ш.Сэдбазарыг бүрэлдэхүүндээ дуудаад оруулаад ирсэн 😮. Түүний хувьд 2019 оны дээд лигийн улирлын нээлтээр зодог тайлж байлаа.

Гэхдээ энэ гол хэсэг нь биш. Түүнтэй хамт түүний төрсөн хүү, энэ жилийн дээд лигийн хамгийн залуу тоглогч С. Төгөлдөр талбайд гарсан явдал түүхийг бүтээсэн юм. Аав, хүү хоёр нэг лигт тоглох, оролцох тохиолдол байдаг.

Ойрын жишээ нь саяхан болж өнгөрсөн монголын волейболын дээд лигийн түрүү Натур Мед Ноён багийн дасгалжуулагч Р. Тамир, хүү довтлогч Т. Хангалын хамт аваргалсан юм.

Тийм хэдий ч нэг багт хамтдаа тоглогчийн хувиар оролцож, тэр бүү хэл хамтдаа талбайд гарч тоглосон тохиолдол урьд хожид байгаагүй болов уу.

Аав (9) – Ш. Сэдбазар, хүү (8) С. Төгөлдөр

Энэ бүгдийн эцэст мичнүүдийн хөгжөөн дэмжигчид ч зүгээр суусангүй эв санаагаа нэтгэж, нэгдсэн группээ үүсгээд даруй 6 мянган гишүүнтэй болох дөхжээ. “IHC Apes” багийн дэмжигчдийн албан ёсны групп

Сагсан бөмбөг монголд улам бүр өргөн дэлгэрэх болтугай.

Ирвэсүүд үлэмж хүчирхэгжлээ

Ирвэсүүд тун завгүй ажиллаж байгаа нь энэ долоо хоногт бодит болгосон хоёр наймаа, өнгөрсөн долоо хоногт шуурхай арга хэмжээ авч Дорждамбыг нэгтгэсэн зэргээс харагдана.

Герон Жонсон

Герон Жонсон 1992 онд төрсөн одоо 29 настай, хамгаалагчийн байрлалд тоглодог НБА ЖИ лигт тоглож байсан хамгаалагч залуу иржээ.

Замналын хамгийн өндөр үзүүлэлтүүд:

  • Оноо 23 (2014 онд),
  • Самбараас бөмбөг авалт 11 (2014 онд),
  • Дамжуулалт 7 (2014 онд),
  • Бөмбөг таслалт 4 (2013 онд),
  • Хаалт 2 (2013 онд),
  • Нэмэх үр нөлөө 19+ үзүүлж байжээ.

Монголын лигт тавтай морил шинэхэн Ирвэс Г.Жонсон.

#
Нэр
Герон ЖОНСОН
Иргэншил
mngМонгол
Байрлал
Хамгаалагч
Өндөр
191
Жин
92
Одоогийн баг
ИРВЭСҮҮД
Лигүүд
ДЭЭД ЛИГ
Улирал
2021
Нас
30

https://www.youtube.com/watch?v=1Fx2NHUgU20

Үлэмж биет Ирвэс Хавиэр Гибсон

Хавиэр Гибсон 1988 онд төрсөн одоо 33 настай, төв болон хүчний тоглочгийн байрлалд тоглодог, НБА Зуны лиг болон Турк, Япон, Уругвай улсуудын лигүүдэд тоглож байгаад иржээ.

Замналын хамгийн өндөр үзүүлэлтүүд:

  • Оноо 32 (2018 онд),
  • Самбараас бөмбөг авалт 15 (2014 онд),
  • Дамжуулалт 7 (2018 онд),
  • Бөмбөг таслалт 4 (2014 онд),
  • Хаалт 6 (2017 онд),
  • Нэмэх үр нөлөө 40+ үзүүлж байжээ.

Ийнхүү тэрээр нэгдсэн дээд лигийн хамгийн хүчирхэг, биерхүү төвийн тоглогч болж байна.

Монголын лигт тавтай морил шинэхэн Ирвэс Х.Гибсон.

#
0
Нэр
Хавиэр Гибсон
Иргэншил
usaАНУ
Байрлал
Төв
Өндөр
210
Жин
127
Одоогийн баг
ИРВЭСҮҮД
Лигүүд
ДЭЭД ЛИГ
Улирал
2021
Нас
33

https://www.youtube.com/watch?v=FvvSjO4OFGw

Шуум…

Албан ёсоор зарлаж мэдэгдээгүй байгаа ч Энхийн-Од монголдоо ирсэн бөгөөд энэ долоо хоногт амжаад багтайгаа нэгдэж, бид бүхнийг баясгахж магадгүй байгаа аж. Мичнүүдийн хувьд тун таатай мэдээ бол өрсөлдөгч багуудад та

Ирвэсүүд, Гарьд, IHC, Мөнхжин.

Дуулиан, шуугиантай үдэш

Энэ үдшийн эхний тоглолт Б. Дорждамба-аар хүчээ зузаатгасан Ирвэсүүд лигийн сулхан багуудын нэг Мазаалайн талбайд зочлон тоглосон.

НЭГ ТОГЛОЛТОД 9 УДАА ХОЛЫН ШИДЭЛТ

Тоглолтын эхний үеийг эс тооцвол туршлагаар илүү Ирвэсүүд тоглолтын санаачлагыг гартаа авсаар өндөрлөсөн. Тус тоглолтод онцгойрсон нэгэн тоглогч Мушу буюу Д. Мөнхтүвшин байлаа. Төвийн байрлалаа даатгах хүнтэй болсоноор түүний хувьд үндсэн байрлалдаа довтолгооны санаачлагатай тоглох боломж нэмэгдэж буй нь илт харагдана. Энэ үдэш тэрээр 50%-аас дээш гүйцэтгэлтэй довтолж байсан бөгөөд 9 удаа холын шидэлт амжилттай болгосноор энэ улиралд нэг тоглолтод хамгийн олон холын зайн шидэлт амжилттай болгосон үзүүлэлтийг бүртгүүлэв.

78 - 100
Үндсэн цаг

Дараагийн тоглолт эхлэх цагаасаа л олны анхааралд байлаа. Хэдийнээ сүр дуулиантай Гарьд багийн хөгжөөн дэмжигчид хуучны танил Болортулгыг хөнгөн ёжлох зэргээр өдөөн хатгаж эхэлсэн юм. Энэ нь ч түүнд ташуур болж өгсөн үү гэлтэй тоглолтыг тун эрч хүчтэй эхлүүлсэн.

ЕСИЙГ ДАВЖ 10 БОЛЛОО, ГАЛ ГАРЛАА

Тус тоглолтыг товчхон илэрхийлбэл есыг давж 10 боллоо, гал гарлаа гэхэд хангалттай мэт.

Тоглолтын эхний хагаст сүүлийн тоглолтуудад багийн ойлголцол сайжирч, тоглолтын чанар дээшилж буй Мичнүүд аваргуудыг илүүрхэж дуусгасан.

Харин гуравдугаар үед аваргууд туршлага заан тоглолтыг эргүүлж, тэргүүллийг өөрсдийн гарт авсанаар төгсгөлийн дөрөвдүгээр үе эхлэхэд Гарьдууд 83-76 илүү болсон байв.

Тоглолтын төгсгөл дөрөвдүгээр үе энд л гал гарсан юм. Тоглолт сүүлийн 2 минут руу орсон байх үед Болортулга хуучин багийнхаа эсрэг чухал 3 онооны шидэлт унагаснаар Мичнүүд онооны илүүтэй болж эхлэв. Тэд энэ хүртэл багаараа алдаа гаргаагүй тун чамбай тоглож байв. Энэ л үед магадгүй тоглолтын эргэх цэг болсон нэг үйл явдал өрнөсөн нь Мичнүүд багийн дасгалжуулагч СОРИЛТ (challenge) авах шийдвэр гаргасан явдал байв.

Гарьд багийн тоглогч Мөнхболдын илүү алхамт байж болохуйц эвгүй үйлдэл дээр тэд ийнхүү сорилт хийсэн боловч харамсалтай нь шүүгчдийн шийдвэр тэдний эсрэг гарсан. Энэ хугацаанд амралт авч, дасгалжуулагчтайгаа хэлэлцэж амжсан нь Гарьдуудад сайхан боломж болсон нь дамжиггүй.

Сүүлийн 1 минутыг тайлбарлаж бичихэд ч санаанд буухааргүй өрнөлтэй гайхалтай тоглолтын эцсийн цэгийг өнөөх л Мөнхболд довтолгооны 2 секундэд амжиж гүйцэтгэсэн холын зайн шидэлтээрээ хатгасан юм. Энэ нь түүний энэ үдэш амжилттай болгосон 10 дах холын зайн шидэлт байсан.

102 - 98
Үндсэн цаг

Тоглолтын дараа жинхэнэ гал гарсан үйл явдал өрнөсөн. Багийнхаа сүүлийн тоглолтуудыг тогтмол ордонд хүрэлцэн ирж үзэх болсон хөрөнгийн зах зээлийн хашир тоглогч, Мичнүүд багийн эзэн О. Мөнхжингийн тавьсан түймэр сагсан бөмбөгийн ертөнцийг шуугиулаад авсан юм.

Тэрээр уг галзуу тоглолтын төгсгөлд шүүгчийн шийдвэрт (Сэдбазар дасгалжуулагчийн авсан СОРИЛТ-ын эсрэг гаргасан шүүгчдийн шийдвэр) дурамжхан байгаагаа илэрхийлж, багийнхаа тоглолтоор бахархаж буйгаа мөн дурдаад, плейоффын шатанд дахин аваргууд (Гарьдууд)-тай таарч тоглохыг хүсч буйгаа өөрийн хувийн сошл сувгаар LIVE дамжуулж зарлав.

Эндээс эхлэлтэй Гарьдууд багийн хөгжөөн дэмжигчид болон бусад сагсан бөмбөгт дуртай олны танил нэгнүүдийн хариу мэдэгдэл, сошл орчин хэсэг зуур дүрэлзэн ассаныг та харсан байх, хараагүй бол сураглаарай.

Тодруулбал: Мөнхжин нууц зэвсэг болох хоёр тоглогчоо удахгүй зарлах болно. Тоглогчдоо хангалттай цалинжуулна, улирлын төгсгөлд урамшуулна, амжилтаас хамаарсан баталгаатай нэмэлт урамшуулал олгоно, чадалтай сайн тоглогчдыг багтаа авна гэх зэргээр цээж баяны гэж болохуйц мэдэгдлүүдийг хийж, сөрсөн бүгдийг сөрсөөр энэ үдэш өндөрлөсөн юм.

Энэ бүгдийн төгсгөлд сагсан бөмбөгт хайртай, дуртай бүхэн уг үйл явдлыг сайн талаас нь харахыг хүсч, сайн талаас нь ч хүлээн авсан болов уу. Спортод хөрөнгө оруулах, ялангуяа багийн спортыг тогтвортой урт хугацаанд авч явах ямар хэцүү болохыг багийн эздүүд мэднэ, магадгүй энэ тал дээр Мөнхжин туршлагагүй, мэдрээгүй байж болох. Гэвч нөгөө талдаа тоглогчид, тамирчид спортоосоо баталгаатай орлогын үүсвэртэй байж, бэлтгэл сургуулилт, өрсөлдөөндөө төвлөрөөд ирвэл гаргах амжилт, хүрэх үр дүн өндөр байх нь тодорхой. Үүний тулд хөрөнгө оруулагчид, багийн эзэд багахан зориг гаргаж, эрсдэл үүрээд хөдлөөд үзэх цаг болсон гэдгийг тунхаглаж, өөрөө үлгэрлэж, өөрөө өрдөж өгч байгаад нь талархаж байна.

Мичнүүд бол зөвхөн Мөнхжингийн гэхээс илүүтэй IHC койн эзэмшигчид, нэгдэл/бүлгэмүүдийн баг байх болов уу. Амжилт хүсье.

Шинэ долоо хоног шинэ зочид

Лэнни Даниэл

Лэнни Даниэл 1987 онд төрсөн одоо 34 настай, хүчний довтлогчийн байрлалд тоглодог сүүлийн жилүүдэд Израйл, Грек, Болгар, Аргентин, Швейцарь, Виетнам зэрэг тив тивийн лигүүдэд тоглож байгаад иржээ.

Замналын хамгийн өндөр үзүүлэлтүүд:

  • Оноо 31 (2010 онд),
  • Самбараас бөмбөг авалт 17 (2018 онд),
  • Дамжуулалт 3 (2014 онд),
  • Бөмбөг таслалт 4 (2012 онд),
  • Хаалт 5 (2011 онд),
  • Нэмэх үр нөлөө 36+ үзүүлж байжээ.

Товчхондоо оргил үеэ өнгөрөөсөн гэхээр статистик харагдаж буй Гарьд багт чухал хэрэгтэй самбарын тоглолт, будагтай талбайн оноогоор чухал орон зайг нөхөх боломжтой харагдаж байна.

Монголын лигт тавтай морил шинэхэн Гарьд Л.Даниэл.

#
1
Нэр
Лэнни ДАНИЭЛ
Иргэншил
mngМонгол
Байрлал
Хүчний довтлогч
Өндөр
203
Жин
100
Одоогийн баг
ГАРЬД
Лигүүд
ДЭЭД ЛИГ
Улирал
2021
Нас
35

https://www.youtube.com/watch?v=WF_Vo9WaeeE
Зүүн өмнөд азийн лиг (2017 оны улирал)

Калвин Годфрэй

Калвин Годфрэй 1990 онд төрсөн одоо 31 настай, төвийн тоглогчийн байрлалд тоглодог сүүлийн жилүүдэд Украйн, Чех, Турк, ОХУ, Латви зэрэг европын лигүүдэд тоглож байгаад иржээ.

Замналын хамгийн өндөр үзүүлэлтүүд:

  • Оноо 28 (2020 онд),
  • Самбараас бөмбөг авалт 18 (2019 онд),
  • Дамжуулалт 6 (2020 онд),
  • Бөмбөг таслалт 5 (2021 онд),
  • Хаалт 6 (2018 онд),
  • Нэмэх үр нөлөө 39+ үзүүлж байжээ.

Товчхондоо замналын хамгийн оргил амжилтуудыг 2020, 2021 онуудад үзүүлээд буй нь тун боломжийн хүлээлт үүсгэж байна.

Монголын лигт тавтай морил шинэхэн Гарьд К.Годфрэй.

#
19
Нэр
Калвин ГОДФРЭЙ
Иргэншил
mngМонгол
Байрлал
Төв
Өндөр
206
Жин
106
Одоогийн баг
ГАРЬД
Лигүүд
ДЭЭД ЛИГ
Улирал
2021
Нас
31

https://www.youtube.com/watch?v=eyWyh38j4MQ
Туркын лигийн шилдэн агшнуудаас (2018-2019 улирал)

Батсайхан ДОРЖДАМБА

Өнгөрсөн долоо хоногт чимээ шуугиан багатайгаар лигтээ эргэн ирсэн нэг тоглогч бол төв болон хүчний довтлогчийн байрлалд тоглодог, лигийн хашир туршлагатай тоглогч Б.Дорждамба байлаа. Түүний хувьд бэртэл гэмтэл, ковидын нөхцөл байдлын улмаас бүрэлдэхүүн нимгэрээд буй Этүгэн Баянгол ирвэсүүд багтай нэгдэж, эхний тоглолтдоо оролцоод амжсан.

Монгол улсын шигшээ, лигийн Харцага, Гарьд, Хүлэгүүд зэрэг багуудад хүчин зүтгэж, лигт нэгээр тогтохгүй аваргалж явсан туршлагатай Дорждамба ирвэсүүд багт үлэмж нөлөө үзүүлнэ гэдэгт итгэлтэй байна.

Амжилт хүсье залуу минь лигтээ эргэн тавтай морил.

#
33
Нэр
Батсайхан ДОРЖДАМБА
Иргэншил
mngМонгол
Байрлал
Төв
Одоогийн баг
ИРВЭСҮҮД
Өмнөх баг
ХҮЛЭГҮҮД, ГАРЬД
Лигүүд
ДЭЭД ЛИГ
Улирал
2021
Нас
0

Ш.Энхийн-Од.

Шилдэг 100-д хэн нэрлэгдэв?

Дэлхийд алдартай спортын мэдээ, мэдээллийн ESPN агентлагийн сагсан бөмбөгийн ангуучдын нэгдсэн үнэлгээр 2022 онд коллежид элсэх хүүхдүүдээс ШИЛДЭГ 100-г нэрлэсэн байна.

Энэ жагсаалтын төгсгөлт хэн нэрлэгдсэнийг сагсан бөмбөг сонирхогч та өөрөө уншаад баярлах нь лавтай 🤘.

Тиймээ монгол нутгийн хүү Mongolian Mike хочтой Энхийн-Од ийнхүү монголын сагсан бөмбөгийн түүхэнд дахин нэгэн шинэ хуудас эхлүүлж байгаа нь энэ юм. Түүний туулж буй зам, мөр бүхэн анхных болон бичигдэж буйг бид бүгд мэднэ.

ESPN-ээс нэрлэсэн 2022 оны ахлах сургуулийн шилдэг 100 төгсөгч

Жагсаалтыг цааш нь лавшруулан харвал бас сонирхолтой байх болов уу.

Түүний тоглож буй ISA академи нь зүүн бүсэд харъяалагддаг бөгөөд энэ бүсээс шалгарсан шилдэгүүдийн 14-рт эрэмблэгдсэн.

Зүүн бүсийн тоглогчдын эрэмбэ, жагсаалт.

Харин түүнтэй ижил жижиг довтлогч (холбогч)-ийн байрлалд тоглодог бүх тоглогчдоос шилдэг 29-т эрэмблэгдсэн.

Түүнтэй ижил байрлалын тоглогчдын эрэмбэ, жагсаалт

Мужийнхаа нийт үе тэнгийн сагсчдаас эхний тав дотор шилдэг 4-т эрэмблэгдсэн байна даа.

Түүний сурч буй Ohio мужийн төгсөгчдийн эрэмбэ, жагсаалт.

За тэгэхээр Майкыг маань зөвхөн ахлах сургуулийнхан төдийгүй коллежийн багууд сонирхож, дасгалжуулагчид уриж уулзан сургуульд нь элсэж, багт нь нэгдэхийг уриж байсан нь саяхан.

Майк-д ирсэн коллежийн саналуудаас тэрээр Дэйтон коллежийг сонгосон.

Тэгвэл ийнхүү олон улсад нэр хүндтэй спортын мэдээний агентлагаас түүнийг анзаарч, бүр оны шилдэг 100 төгсөгчийн нэгээр тодруулаад байгаа нь үнэхээрэй гайхалтай мэдээлэл юм.

https://www.youtube.com/watch?v=cmgEmiXWTMI
Монгол Майкын тоглолтын онцлох агшнуудаас

Амжилт хүсье дүү минь.

Энэ улирлын анхны легионер К.Фишер.

Анхны зочин ФИШЕР

1996.09.24-нд Финлянд улсад төрсөн. АНУ, Чикаго мужийн ахлах сургуульд суралцаад 2015 оноос Хэмптон коллежийн багт дөрвөн жил тогложээ.

Коллежийн дөрвөн жилд нийт 125 тоглолтод оролцохдоо оноо авалтаа жил бүр ахиулсаар төгсөх улирлын бүх тоглолтын гараанд гарч, 15.8 оноо дунджилсан байна.

https://www.youtube.com/watch?v=EAHg_nviKo0

2021 онд Кипр улсын лигийн ЭНАД багт хүчин зүтгэж байгаад иржээ.

Kalin Fisher
#
23
Нэр
Калин ФИШЕР
Иргэншил
usaАНУ
Байрлал
Хамгаалагч
Өндөр
188
Жин
82
Одоогийн баг
УУРХАЙЧИД
Лигүүд
ДЭЭД ЛИГ
Улирал
2021
Нас
26

Түүнийг ЭРДЭНЭТИЙН УУРХАЙЧИД баг эгнээндээс нэгтгэсэн бөгөөд өчигдөр спортын төв ордонд хүрэлцэн ирж, ЯНЗТАЙ ДЭЭД ЛИГ-ийн энэ улирлын 51 дэх тоглолтыг сэлгээний суудлаас үзэж сонирхолоо. Монголын лигийн уур амьсгал таалагдсан гэдэгт итгэлтэй байна.

Амжилт хүсье залуу минь.

Instagram: kfish_23

Facebook: josh.mercy.79

ДЭЭД ЛИГ

ДЭЭД ЛИГ нээлт

Удаан хугацаанд завсарлаад байсан дээд лигийн тоглолтууд эргэн ирээд удаагүй байна. Үзэл бодлын зөрүүтэй хоёр холбоо болон тоглогчдын холбоо талууд нэгдсэн шийдэлд хүрсэнээр ийнхүү нэгдсэн дээд лигийн тоглолтууд өнгөрөгч оны 12-р сарын 23-наас эхлээд байгаа билээ.

Ийнхүү нэгдсэн ДЭЭД ЛИГ тэмцээний албан ёсны нээлтийн арга хэмжээ 2022 оны 01-р сарын 02-ны өдөр Мөсөн Өргөө цогцолборт болж өнгөрлөө.

Гэрэл зургийг: ДЭЭД ЛИГ, МӨСӨН ӨРГӨӨ

Mongolian Mike

Дэйтоны Монгол нисгэгч

МУГТ Шаравжамцын бага хүү Энхийн-Од буюу Mongolian Mike-г сагсан бөмбөг сонирхогч хүүхэд залуус сайн мэддэг болсон байгаа.

Тэрээр энэ жил ахлах сургуулиа дүүргэж коллежийн амьдралд хөл тавих юм. Тэгвэл үүнтэй зэрэгцээд Mike америкийн коллежийн лигт тоглох болов уу?, бүр цаашлаад 1-р дивизионы багт тоглох болов уу? гэсэн асуулт ихээр тавигдах болсон байлаа.

Гайхалтай нь түүний талбай дээрх мэдрэмж, биеийн өгөгдөл, тогтвортой гаргаж буй гүйцэтгэл зэргийг коллежийн хэд хэдэн багийн дасгажуулагчдын баг судалж, түүнтэй холбогдож байгаа тухай мэдээлэл уншиж байсан. Цаашлаад сургуульдаа уриж, багт нь нэгдэхийг санал болгож ч байв.

Ийнхүү 2021.12.15-ны өдөр ирж Ш.Энхийн-Од өөрийн сонголтыг хийж буйгаа зарласан юм. Тиймээ тэрээр Дэйтон Их Сургуулийн нисгэгч болсон юм.

Коллежийн сагсан бөмбөгт хүрэлцэн ирэхийг нь тэсэн ядан хүлээе. Амжилт хүсье залуу минь 🤘

https://www.youtube.com/watch?v=JJnpL0QITF4