Дэлхийд алдартай спортын мэдээ, мэдээллийн ESPN агентлагийн сагсан бөмбөгийн ангуучдын нэгдсэн үнэлгээр 2022 онд коллежид элсэх хүүхдүүдээс ШИЛДЭГ 100-г нэрлэсэн байна.

Энэ жагсаалтын төгсгөлт хэн нэрлэгдсэнийг сагсан бөмбөг сонирхогч та өөрөө уншаад баярлах нь лавтай 🤘.

Тиймээ монгол нутгийн хүү Mongolian Mike хочтой Энхийн-Од ийнхүү монголын сагсан бөмбөгийн түүхэнд дахин нэгэн шинэ хуудас эхлүүлж байгаа нь энэ юм. Түүний туулж буй зам, мөр бүхэн анхных болон бичигдэж буйг бид бүгд мэднэ.

Жагсаалтыг цааш нь лавшруулан харвал бас сонирхолтой байх болов уу.

Түүний тоглож буй ISA академи нь зүүн бүсэд харъяалагддаг бөгөөд энэ бүсээс шалгарсан шилдэгүүдийн 14-рт эрэмблэгдсэн.

Харин түүнтэй ижил жижиг довтлогч (холбогч)-ийн байрлалд тоглодог бүх тоглогчдоос шилдэг 29-т эрэмблэгдсэн.

Мужийнхаа нийт үе тэнгийн сагсчдаас эхний тав дотор шилдэг 4-т эрэмблэгдсэн байна даа.

За тэгэхээр Майкыг маань зөвхөн ахлах сургуулийнхан төдийгүй коллежийн багууд сонирхож, дасгалжуулагчид уриж уулзан сургуульд нь элсэж, багт нь нэгдэхийг уриж байсан нь саяхан.

Тэгвэл ийнхүү олон улсад нэр хүндтэй спортын мэдээний агентлагаас түүнийг анзаарч, бүр оны шилдэг 100 төгсөгчийн нэгээр тодруулаад байгаа нь үнэхээрэй гайхалтай мэдээлэл юм.

Амжилт хүсье дүү минь.