Тэмцээн: ОЛОН УЛС

ТАЙЛАНД – МОНГОЛ

Хэсгийн сүүлийн тоглолт анхнаасаа хүлээлт өндөртэй, ширүүхэн тоглолт болох нь тодорхой байлаа. Зохиолын дагуу өнөөдөр багийн ахлагчийн ачаа үүрэх өдөр, чимээгүй харваачид болох Ананд, Тэмүүжин нарын тор шатаах өдөр, хонины ээлж байсан.

Тоглолтын эхнээс Билгүүний өө сэвгүй тоглолт, тайван хүлээцтэй байдал тодорч эхэлсэн бол үргэлж бэлэн Санчир ч будагтай талбайруу зүтгэсэн хүчтэй тоглолтуудаа толилуулж маш эхлэл тависан юм. Тиймээ тэмцээний эхнээс үзэгч хөгжөөн дэмжигчдийнхээ хүлээлтийг шалгаад байсан Анандын цочроо гаравуу гэлтэй холын шидэлт, ухаалаг дундын довтолгоо ээлж дарааллан байндаа тусч 8 оноог авсанаар эхний хагасыг 59:52 тэргүүлж дуусгав.

Гуравдугаар үе юу болов оо гэлтэй бүтэлгүй үе байлаа. Оновчгүй шийдвэрүүд, амжилтгүй гүйцэтгэлүүдийн эсрэг хор шартай америк тоглогч Лиш, Морган болон тай залуу Жайсанук нарын хослол өршөөлгүй байлаа. Энэ үед бид багаараа 11 оноо авсан, 5 нь чөлөөт шидэлтээс.

Шийдвэрлэх үед бидэнд Лишийг бариж тогтоох, Морганы хамгаалалтын эсрэг довтлох төлөвлөгөө хэрэгтэй байлаа. Гэвч гэвч тэднээс гадна нэг нөхөр гай тарьсан нь Жайсанук байж холын зайнаас дөрвөн удаа унагаж нийт 14 оноог энэ үед авч хожилд үнэтэй хувь нэмэр оруулав. Эсрэгээр багийн ахлагч Билгүүн үеийн турш тогвортой гүйцэтгэлтэй байж, тоглолтын хэмнэлийг барихыг эрмэлзсэн бол Санчир, Цэрэнбаатар нарын хооронд бага зэргийн үл ойлголцол өрнөж, тоглолтын хэмнэлд сөргөөр нөлөөлөөгүй ч эрчийг сулруулсан юм. Эцсийн шүгэл дуугарахад 109:105 харьцаагаар Тайландын шигшээ хожиж, ялагдалгүй өндөрлүүллээ.

Ийнхүү хоёр баг хоёул дараагийн үед шалгарсан бол Виетнамын багийг буулгаж авсан Малайзын шигшээ мөн дараагийн үед шалгарлаа. Ирэх оны хоёрдугаар сард Гуам, Хонг-Конгийн багуудтай нэг хэсэгт орж дахин тоглох болно.

109 - 105
Үндсэн цаг

ВИЕТНАМ – МАЛАЙЗ

56 - 73
Үндсэн цаг

МОНГОЛ – ВИЕТНАМ

88 - 77
Үндсэн цаг

МАЛАЙЗ – ТАИТИ

70 - 62
Үндсэн цаг

ТАИТИ – МОНГОЛ

62 - 91
Үндсэн цаг

ВИЕТНАМ – ТАЙЛАНД

55 - 81
Үндсэн цаг

МОНГОЛ – МАЛАЙЗ

94 - 92
Үндсэн цаг

ТАЙЛАНД – ТАИТИ

114 - 46
Үндсэн цаг

МАЛАЙЗ – ТАЙЛАНД

78 - 103
Үндсэн цаг

ТАИТИ – ВИЕТНАМ

41 - 84
Үндсэн цаг