Монгол улсын сагсан бөмбөгийн шигшээ баг хамгийн сүүлд 2014 оны Азийн наадам оролцож байснаас хойш ОУСБХ (FIBA)-ны тэмцээн уралдаанд оролцоогүй өдийг хүрсэн.
Шалтгаан нь ОУСБХ-ноос хориг тавиулсантай холбоотой. Тэгвэл энэ онд Монголын сагсан бөмбөгийн холбооны удирдлага шинэлэгдэн бүрдсэнээр дээрх хүндрэлтэй байдал арилж, 5×5 төрлөөр олон улсын сагсан бөмбөгт эргэн хөл тавицгааж байна.
Энэ зургаадугаар сард эрэгтэй шигшээ баг FIBA Asia Cup 2025 Pre-Qualifiers шатны D хэсгийн тоглолтуудыг эх орондоо хүлээн авахаар бэлтгэлээ базааж, холбоо зохион байгуулалтаа шийдээд байсан ч 11-р сарыг хүртэл хойшлоод байгаа билээ.
Үүний дараагийн томоохон тэмцээнд манай 18 хүртэлх насны охидын шигшээ баг оролцож, гараагаа амжилттай эхлүүлээд зогсохгүй хэсгийнхээ тэргүүн байраар гарч, хагаш шигшээд шалгараад байгаа юм.
FIBA 2022 Asian Women’s Championship тэмцээн Энэтхэг улсын Бангалор хотод болж байгаа бөгөөд A, B ангилал (division) тус бүрт найман улсын баг өрсөлдөж байна. Манай шигшээ баг B ангилалын B хэсэгт Хонг-Конг, Малайз, Йордан улсуудтай хуваарилагдсан ба гурван хожсоноор хэсгээ тэргүүлсэн юм. Ингэснээр доорх хуваарийн дагуу хагас шигшээд шалгарч 09.10, 11-ний өдрүүдийн тоглолтоо хүлээн, өрсөлдөгчдөө судалж буй бизээ.
ХАГАС ШИГШЭЭ | ШИГШЭЭ |
---|---|
ФИЛИППИН | |
2022-09-10 ![]() ![]() | |
2022-09-11 16:00 | |
МАЛАЙЗ | |
МОНГОЛ | |
2022-09-10 ![]() ![]() | |
САМОА |
Тоглолтууд юу болов?
ХОНГ-КОНГ 37:68 МОНГОЛ
Шигшээ багийн анхны тоглолт тус тэмцээнд долоо дох удаагаа оролцож буй Хонг-Конгийн багтай тун эхлэн үе тус бүрт өрсөлдөгчөөсөө илүү байснаар хялбархан гэж болохоор ялалт байгуулсан юм. Тус тоглолтод багийн Б.Болор-Эрдэнэ багаа 21 оноогоор багаа тэргүүлсэн бол Н.Нандинхүсэл 10 оноо, 18 самбар, 8 ашигтай дамжуулалтаар багт үзүүлсэн нөлөө +29 байж бүх тоглогчдыг хошуучилсан.
![](https://basketball.scores.mn/wp-content/uploads/2022/09/mng-u18-w-no9-295x300.jpg)
![](https://basketball.scores.mn/wp-content/uploads/2022/09/mng-u18-w-no10-300x200.jpg)
МОНГОЛ 72:57 МАЛАЙЗ
Удаах тоглолт тус тэмцээнд ес дэх удаагаа оролцож буй арвин туршлагатай Малайз улсын багтай эхнээсээ эн тэнцүү өрсөлдөж явсаар тоглолтын төгсгөлд гайхалтай багийн тоглолт, дасгалжуулагчдын зөв төлөвлөгөөний үр дүнд 31:15 авч эцсийн үр дүнд хожсон юм.
Тус тоглолтод Н.Нандинхүсэл 29 оноо, 11 самбар, Б.Болор-Эрдэнэ 17 оноо, Х.Алтанзул 15 самбар, 6 бөмбөг таслалт, 8 оноогоор багаа хошуучилсан.
Онцлууштай нэг зүйл нь тус тоглолтод дасгалжуулагчдын бүрэлдэхүүний 12 тоглогчоос 7 тоглогчийг ашиглахаар мэдүүлсэн байв.
ЙОРДАН 36:48 МОНГОЛ
Хэсгийн сүүлийн тоглолтод туршлагын хувьд ойролцоо, тус тэмцээнд хоёр дох удаагаа өрсөлдөж буй Йордан улсын багтай маш сайн багийн тоглолтоор өрсөлдөж үе бүрт онооны багахан давуутай явсаар хожсон юм.
Тус тоглолтод холбогч Н.Намуундарь 12 оноо, 3-аас 4/12, Н.Нандинхүсэл 10 оноо, 6 ашигтай дамжуулалт, А.Хонгорзул 14 самбар, 6 бөмбөг таслалт, 8 оноо авч багт үзүүлсэн нөлөө +21 багаар хошуучилсан.
![](https://basketball.scores.mn/wp-content/uploads/2022/09/mng-u18-w-no8-300x291.jpg)
Ийнхүү түүхэндээ анх удаа оролцож буй тэмцээний гараагаа амжилттай эхлүүлээд зогсохгүй ангилалынхаа хагас шигшээд шууд шалгараад байгаа юм.
ШИГШЭЭ БҮРЭЛДЭХҮҮН
ДАСГАЛЖУУЛАГЧДЫН БАГ
Туслах дасгалжуулагч Буриад АЛТАНЗАЯА
![](https://basketball.scores.mn/wp-content/uploads/2022/09/mng-u18-w-coach-200x300.jpg)
- Иргэншил
Монгол
- Одоогийн баг
- МОНГОЛ
Speed Academy багш, дасгалжуулагч.
Туслах дасгалжуулагч Батчулуун ДЭЛЭГ
![](https://basketball.scores.mn/wp-content/uploads/2022/09/mng-u18-w-coach-1-200x300.jpg)
- Иргэншил
Монгол
- Одоогийн баг
- МОНГОЛ
Монгол 3-р сургуулийн багш, дасгалжуулагч.
Шигшээ багийг МСБХ (Монголын сагсан бөмбөгийн холбоо)-ны Монгол улсын шигшээ багийн албаны дарга М.Отгонбаяр, Ерөнхий нарийн бичгийн дарга С.Төгсжаргал нар ахалж яваа.